Um félagið

December 20th, 2009

Um félagið

Fordfélagið var stofnað árið 2009 af nokkrum áhugamönnum um bíla og viðhald þeirra. Nafn félagsins vísar til hins fræga Ford T – en gjarnan er sagt að sá fákur hafi lagt grunn að því að bílar komust í almannaeign.

Tilgangur félagins er að skapa umræðugrundvöll fyrir áhugasama þar sem hægt er að skiptast á skoðunum, miðla upplýsingum um varahluti og fróðleik, auk þess að leita sem víðast afsláttarkjara fyrir félagsmenn á ýmsum búnaði og þjónustu.

Í forgrunni er þó ávallt að skapa skemmtilegt andrúmsloft þar sem félagsmenn kynnast innbyrðis og fá útrás fyrir áhuga sinn á bílum. Félagsaðild getur jafnframt veitt viðkomandi ómetanlegan stuðning þegar eitthvað bjátar á, hvort heldur um er að ræða kaup, viðhald eða viðgerðaraðstöðu – enda viskubrunnur félagsmanna ansi djúpur.

Eignarhald á Ford bifreið er síður en svo skilyrði fyrir aðild né heldur bíladella á háu stigi. Allir bíleigendur hafa hag af því að taka þátt.

Fordfélagið stefnir að því að efla starfssemi sína frekar á fyrrnefndum grunni.



Ford Félagið
Reykjavíkurvegi 68
220 Hafnarfjörður

Kennitala
461109-1790

Bankanúmer
0545-26-4609
Höfundaréttur
© 2009-2010 Ford Félagið

Hafðu samband
fordfelagid@fordfelagid.is
Snorri V Vignisson - 694 2828